ANO VELHO ANO NOVO DE ESPERANÇA
Anu 2025 na fin
Nun retrospetiva
Odja-l sen lágrima…
Vive-l na notisia
Ê pasa ku tribulason
Luta y gera y dor
História ka ten lenbransa
Odju-l mai…lágrima-l si fidjus…
Anu 2025 na fin sen sodadi
Na Palistina y na África
Ô Ucrania y…ô na Ásia…
Vive-l na notisia
Ê foi ku seka y ku lumi
Lama y diluviu y xeia
Hinu di disgrasia toka
Ô Anu 2025… dor y sufrimentu…
Anu 2025 na fin
Nu teve nôs alegria tanbe
Odja Tibaron Azul na Mundial…
Vive-l na nôs mudjeres
Ês Tibaron Fémia na África
Labantadu ta da ku tornu
História na baliza finkadu
Ô anu 2025…nôs tristesas y nôs alegrias…
Nobu bu sta ben 2026
Odja 2025 y buska bu rumu
Volta bu pensamentu pa bon
Ô anu 2026 di speransa…
Ali xintadu y ta matuta
N sta spera-bu ku tudu speransa
Odja kusè ki bu ta trazê-nu di dretu…
Di prisente y pa Mundu
Ês Mundu di speransa…
2026
Ês 2026 ki bu sta ben
Sen Gera nen violénsa
Prupara 2026 y ben pé finkadu
És povu dês Mundu meresi y kre
Recebi di bò 2026…Paz Y Harmonia
Amor y kretxeu y morabeza
Nu krè suri ku alegria y sen tristesa
Ç-Séu sen droni y sen bonba di gera y dor
Anôs no krè ponba branku di PAZ…
2026 ben y trazenu Paz
ben sima ponba branku 2026
João Furtado
27/12/2025
Skritu pa MÚSICA E POESIA di Luis de Sousa Lobo!
