NA KONPASU DI BATÚKU

Baxu kel pó di pòlon
Kin obi prumeru stória
Ê lá ki staba nôs grória
Ka mestêba nun tistón

Nu ta kumeba y bebêba
Y sen prôgunta pa présu
Si kré nu ten ô sta tésu
Ah Nhôr Déus ah sin sabêba...

Ta pediba di zimóla
Pan Nhu paraba kel tenpu
Nu ka konxeba pistóla

Di dia ta luta na kanpu
Só sol kanba ta rabola
Na konpasu di batúku

Djonzinhu Furtado

Praia, 15 de novembro de 2017